19Nëntor2017

Shkolla në Gjylekreshtë me vetëm një nxënëse

Është vetëm 6 vjeçare. Akoma nuk i ka mësuar mirë shkronjat e para e mosha e re nuk është se ka zbuluar ende ndonjë talent tek ajo. Megjithatë, Valentina Zuka, nga fshati Gjylekreshtë i komunës së Medvegjës lirisht mund të quhet heroinë e fshatit të saj.

Ndonëse nuk bën asgjë të veçantë, ajo mban gjallë shkollën fillore në këtë fshat që dikur kishte rreth 120 nxënës e që sot funksionon vetëm nën mëshirën e Valentinës. Pasi bën rreth katër orë rrugë në këmbë nga shtëpia e saj, sapo përfundon në oborrin e shkollës ajo i shton edhe një ditë më shumë jetë fshatit të saj.

“Krejt më kanë thanë që në shkollë ka shumë fëmijë, e që kam me gjet shumë shokë e shoqe, por unë këtu nuk kam gjet asnjë prej tyre”, thotë ajo, teksa qëndron e vetme në klasë.

Ndonëse e pavetëdijshme për misionin e saj, Valentina e di shumë mirë se pse mëson e vetme në shkollën që dikur numëronte qindra nxënës shqiptarë, transmeton Telegrafi. “Krejt kanë ikë në Kosovë dhe në vendet tjera”, shprehet ajo, teksa nuk i ndan sytë nga dritarja e klasës, jashtë së cilës e priste babai i saj, i cili çdo ditë e sjell në shkollë dhe e kthen përsëri në shtëpi.

Atmosferën e zymtë që mbretëron çdo ditë në klasë, e shuan vetëm buzëqeshja e mësuesit Sabit i cili nuk përton ta fal atë sa herë që bëhet fjalë për nxënësit e tij. Mbi rrudhat e shpeshta që ia kanë mbuluar ballin peshojnë pesha të rënda ngase mësuesi Sabit ka vite që i ka të zbrazëta pothuajse të gjitha bankat e klasës së tij.

Ai thotë se edhe dy vitet e kaluara ka punuar vetëm me nga një nxënës. Ndonëse nuk është aspak e lehtë për të, ai tregon se kjo është mënyra e vetme për të mbajtur gjallë shkollën dhe fshatin. “Nëse mbyllet shkolla, mbyllet edhe fshati, dhe unë nuk e llogaris të gjallë një fshat në të cilin nuk ka nxënës”, shprehet ai teksa përcjell me vëmendje Valentinën që rri e heshtur, duke mos e kuptuar peshën e fjalëve tona.

Bashkëbisedimi ynë thyen heshtjen mes mureve të çara të shkollës, që plot dy muaj ishin mësuar të dëgjonin vetëm zërin e mësuesit Sabit dhe të Valentinës së vogël. Vetëm cicërimat e zogjve që lehtësisht arrinin deri në klasë ndonjëherë ndërprenë dialogun e tyre.

Peizazhi i bukur i fshatit të saj, që pikturohej në dritaren e klasës shpeshherë ia rrëmben vëmendjen Valentinës. Dielli i ngrohtë që lëshon rrezet e tij në këto ditë nëntori nuk arrin të depërtoj dot deri te fytyra e saj. Mbi bankë ka shpërndarë një sërë librash nga të cilat po merrte njohuritë e para. Ndonëse nuk ka munguar asnjë ditë të vetme në shkollë, prania e saj nuk është evidentuar askund. Mësuesi Sabit tregon se kanë mungesë të teksteve shkollore, shumicën prej të cilave i kanë të përkthyera nga librat serbë. Madje, ai tregon se akoma nuk është pajisur as me ditar në të cilin do të mund të evidentonte orët që mbanë.

“Ndonjëherë them, shyqyr që kemi pak nxënës se kam frikë që po marrim në qafë shumë njerëz”, është përgjigjja që ai jep i shqetësuar nga gjendja ekzistuese. Numrin e banorëve të mbetur në fshatin Gjylekreshtë e numëron në gishta, teksa tregon se pas Valentinës nuk ka më asnjë nxënës që do të ulet në vendin e saj. Edhe për katër vite, Valentina do të qëndroj e heshtur në bankën e saj duke hyrë në histori mbase si nxënësja e fundit që i dha lamtumirën shkollës së fshatit të saj. 
Pas saj, zilja e shkollës asnjëherë nuk do të bie më në shkollën fillore “Zenel Hajdini”, në Gjylekreshtë të Medvegjës. (Reportazhi është punuar nga Egzona Krasniqi, e diplomuar në Fakultetin e Gazetarisë).

Rizgjimi politik i medvegjasve

Medvegjë, 10 dhjetor(medvegja.net)

Në rrugëtimin tim politik që nga fillet e jetës plurale politike, busullë orientuese kam pasur interesin e përgjithshëm, publik dhe përspektivën e qytetarëve tanë, bashkëkombasve të mi shqiptarë në krahinën e Medvegjes. Ky orjentim më ka shërbyer si këshilltari më i mirë, duke më bërë të eci përherë drejt e kokën lartë. 
Vitin që po lamë pas (2015), ka qenë pikërisht ky interes, ai që më bëri mua dhe një grusht bashkëveprimtarësh që të marrim qëndrimin politik më dinjitoz gjatë gjithë çerekshekullit që po bën pluralizmi politik në këtë ambient, duke krijuar rrethanat që Komuna jonë të shkojë në zgjedhje të jashtëzapothuajse.

Zgjedhjet e 13 shtatorit shpërfaqën edhe një element shtesë që ndërlidhet me interesat strategjike të Serbisë për Toplicën në përgjithësi dhe Komunën tonë në veçanti. 
Angazhimi serioz i një grushti njerëzish që u mblodhëm rreth PD, trandi madje edhe vetë kryeminsitrin Aleksandër Vuçiq. 
Në historinë e zgjedhjeve lokale që janë mbajtur në Komunën tonë nuk ka ndodhur asnjëheër më parë që vetë kryeministri të angazhohet me të gjitha mjetet për të penguar pjeësmarrjen masive të bashkombasve tanë në zgjedhje. Nuk ishte vetëm angazhimi i tij për të mobilizuar simpatizantët e tij dhe pjesëtarët e etnisë së tij për pjesëmarrje sa më masive në zgjedhje, elementi që përdallon këto zgjedhje nga ato pararendëset. Përkundrazi, është pikërisht insistimi për mbajtjen e një grushti marionetash shqipfolëse si patericë e çdo pushteti lokal në Komunë, në dëm të idesë për krijimin e Lisëts Shqiptare, që kësaj radhe mori përmasat e luftës speciale, duke treguar fëtyrën e vërtetë në aktin antidemokratik që fuqia e tij dëshmoi përmes ndaljes së qytetarëve për orë të tëra në kufij, meqë i frikësohej votës shqiptare. 
Ndërkaq fill pas kësaj ai e shpërfaqi strategjinë e tij, duke potencuar se ka për objektiv zbrazjen e Medvegjes nga elementi shqiptar në përmasa alarmante, duke e sjell nga 28% sa janë të dhënat statistikore të fundit, në 6-7%, sa ai pretendon.

Ky objektiv ka filluar të realizohet menjëherë pas zgjedhjeve të 13 shtatorit. Të dhënat që posedojmë ne si këshilltarë flasin se, përmes akteve policore-administrative, janë shlyer nga vendbanimi i tyre mbi 1500 qytetarë shqitarë! Ky farë “pasivizimi i statusit të qytetarit”, siç e cilëson administrata dhe policia, do të pamundësojë veprimin aktiv të qytetarëve, madje edhe vetë shfrytëzimin e pasurisë së tyre të patundshme. 
Ky veprimm tashmë ka marrë përmasa shqetësuese. Ne si këshilltarë kemi reaguar, madje edhe në institucionet përkatëse të nivelit repubklikan. Avakoti i popullit e ka ciklësuar këtë si veprim antidemokratik dhe na ka premtuar se do të ushtrojë ndikimin e tij që procesi të rikthehet në pikën zero. Për këtë një grup këshilltarësh kemi njoftuar edhe ambasadorin shqiptar në Beograd. natyrisht kemi njoftuar edhe organet përkaëtse në Kosovë. 
Këto ditë jemi dëshmitarë se si për një akt të inskenuar në Gorazhdec (Pejë) kanë reaguar të gjitha instancat , deri tek kryeministri Aleksandër Vuçiq, ndërkaq kryeministri i Republikës së Kosovës heshtë për gjithë këtë tragjedi që po i ndodhë Medvegjes para syve të opinionit publik. Diskriminimi i shqiptarëve në Medvegjes nuk njeh shembull tjetër në Evroopë. Në Kuvendin e Komunës ishte një femër shqiptare e vetme e punësuar. Këto ditë edhe atë e larguan. 

janë këto fakte që mua dhe bashkëmendimtarët e mi këshilltarë në Kuvendin e Medvegjës na bëjnë të ndjehemi të alarmuar dhe sërish të hidhemi në veprim. 
Si bashkëkombas e vëllezër që i kemi, i ftojmë për bashkëveprim këshilltarët që veprojnë në
n siglën e PVD/UDSH në Kuvend, që bashkarisht të votojmë kundër miratimit të bxhetit për vitin që vjen, meqë ai buxhet është krejtësisht në shpërputhje me interesat e shqiptarëve që popullojnë nëntë katundet e Medvegjes së rrudhur. 
Gjasat që Kuvendi të shkojë sërish në zgjedhje janë krejtëisht të hapura. Kjo është arsyeja pse ne së shpejti po planifikojmë të kemi një takim me bashkëvendasit tanë me banim në Fushë-Kosovë. 
Le të na shërbejë kjo gjendje për rizgjim kolektiv, tok e bashkë, si një trup i vetëm.

Medvegjë, 10.12.2015 Fehmi BEHA 
Keshilltar komunal ne Medvegje.

Kosova dhe Shqipëria braktisin shqiptarët e Luginës!

Qeveria e Kosovës dhe ajo e Shqipërisë po kritikohen për moskujdes për shqiptarët e Luginës së Preshevës.

 

Studentët dhe nxënësit shqiptarë janë duke protestuar në qytetin e Bujanocit, pasi që ata po kërkojnë që të kenë libra në gjuhën shqipe, të cilat i kanë bllokuar autoritetet serbe në kufi.

Autoritetet serbe thonë se arsye e bllokimit të këtyre librave është bërë për shkaqe teknike.

Nga ana tjetër, analistë dhe deputet të partive opozitare thonë se shqiptarët e Luginës së Preshevës janë harruar nga Qeveria e Kosovës dhe ajo e Shqipërisë.

Në bisedime si Palaço

“Demonstrimi i pakënaqësisë në lidhje me siç thonë ata “burgosjen” e librave nga ana e regjimit në Beograd të dhuruara nga shteti i Kosovës për shqiptarët në Luginë, përmes një proteste ishte sinjal i mjaftueshëm për gjendjen në ato anë, porse askush nuk duket se po i merr parasysh. Qeveria e Kosovës edhe në këtë situatë po tregohet e pa interesuar, pavarësisht broçkullave politike në medie e takime të ndryshme. Janë një mori e mundësive që ka pas e ka shtetit i Kosovës por edhe i Shqipërisë në lidhje me përmirësimin e gjendjes së shqiptarëve në Luginë të Preshevës”, thotë politologu, Albinot Maloku.

Maloku thotë se Kosova me Rezoluta për Luginën e Preshevës më shumë e ka luajtur palaçon se të interesuarin./Titulli.com/